«Եռաբլուր» հերոսապատումի վիրտուալ թանգարանը «Հայկական պատմա-աշխարհագրական միություն» տեղեկատվական, վերլուծական հասարակական կազմակերպության նախագիծն է, որի շրջանակներում նախատեսվում է հավաքել, մշակել և առցանց տարբերակով հանրությանը ներկայացնել ամբողջական տեղեկատվություն այն անձանց մասին, ովքեր կյանքը զոհել են հանուն Հայաստանի Հանրապետության և Արցախի Հանրապետության պաշտպանության կամ անգնահատելի ավանդ են ունեցել հայկական պետությունների զինված ուժերի կայացման գործում։
Հարթակը յուրահատուկ գնահատանքն ու խոնարհումն է իրենց կյանքը մեր հայրենիքի պաշտպանությանը նվիրած հայորդիներին։
Մեր պատմությունը կերտած հերոսների կյանքի ու սխրանքների մասին մեկ հարթակից պատմելով՝ նախաձեռնությունը նպատակ ունի արժևորել մեր անցյալը, վառ պահել հերոսների հիշատակը և նրանց օրինակներով դաստիարակել սերունդներին։