Առաջնայինը՝ ընտանիքն ու հայրենիքն էին
2014թվ. հուլիսի 11-ին արցախա-ադրբեջանական հակամարտ զորքերի շփման գծի հարավ-արևելյան ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից հրազենային գնդակային մահացու վիրավորում է ստացել ժամկետային զինծառայող` Մովսես Նորայրի Գասպարյանը:
Մովսեսը ծնվել է 1994թվ. ՌԴ` Տյումեն քաղաքում։ Սովորել է տեղի դպրոցներից մեկում։
Հայրնիքից հեռու մեծացած տղան մեծ սեր ուներ հայրենիքի նկատմամբ, որի արդյունքում մեծ սիրով վերադարձել է ու ցանկություն հայտնել անցնել ծառայության իր հայրենիքի համար։
2012թվ. անցել է պարտադիր զինվորական ծառայության Արցախում։ Երբեք դժգոհություն չի հայտնել, սիրով ու նվիրվածությամբ ծառայել։
Մովսես Նորայրի Գասպարյանը հետմահու պարգևատրվել է ԱՀ Նախագահի կողմից՝ «Մարտական ծառայություն» մեդալով:
Մովսեսը մշտապես աչքի է ընկել իր բարի ու նվիրված մարդ տեսակով, նրա համար առաջնային ու կարևոր էին ընտանիքն ու հայրենիքը։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը: