Արտեմն էլ ամեն ինչից վեր դասեց հայրենիքը
Արտեմ Անտոնյանը ծնվել է 1978 թվականի փետրվարի 8-ին Կապանում։ Սովորել է Կապանի թիվ 9 միջնակարգ դպրոցում։
1996-1998 թվականներին ծառայել է ՀՀ զինված ուժերում։ Ծառայությունն անց է կացրել Քարվաճառում։ Օրինակելի զինվոր էր, աչքի էր ընկնում կարգապահությամբ,հայրենասիրությամբ։
Արտեմն անսահման բարի ու կամեցող մարդ էր, բնության սիրահար, հարգված իր հարազատ Կավարտ գյուղում։ Ամենայն պատասխանատվությամբ էր մոտենում իրեն վստահված ցանկացած աշխատանքի։
Հազարավոր հայ երիտասարդների պես Արտեմն էլ ամեն ինչից վեր դասեց հայրենիքը։ 2020 թվականի հոկտեմբերի 5-ին մեկնել է պատերազմ։ Զոհվել է հոկտեմբերի 14-ին Ջրականում` մարտական առաջադրանքը կատարելիս։
Հայաստանի նախագահի հրամանագրով Արտեմը հետմահու պարգևատրվել է «Մարտական ծառայություն», Կապանի քաղաքապետի որոշմամբ՝ «Կապան» մեդալներով: