Արթուր Գևորգյանը ծնվել է 1997թվ. Աբովյան քաղաքում։
Դպրոցն ավարտելուց հետո հայրիկի հետ մեկնել է ՌԴ աշխատելու նպատակով։ 2015թվ.վերադարձել է ծառայության նպատակով, զորակոչվել պարտադիր զինվորական ծառայության Արցախի Մեխակավանի (Ջեբրաիլ) N զորամասում, որպես ավագ-գնդացրորդ։ Ծառայությունից երբեք չի դժգոհել, ինքնակամ ու մեծ ուրախությամբ է մեկնել։
Կյանքով լեցուն, ապրելու ու ստեղծելու մեծ ձգտում, հումորի մեծ զգացումով, կենսախինդ, անսահման բարի ու հոգատար, բոլորի նկատմամբ սիրով լցված, աշխատասեր ու շատ տաղանդավոր։ Արթուրը նկարչությամբ է զբաղվել, շատ է սիրել նկարել, երգել ու արվեստով զբաղվել։
Արթուրը շարունակեց իր անվանակից քեռու կիսատ թողած գործն ու պաշտպանեց Արցախ աշխարհը։
2016 թվ. ապրիլ...
Ապրիլի 1-ին հակառակորդի կողմից ձեռնարկված լայնամասշտաբ ռազմական գործողությունները կասեցնելիս Արթուրը զոհվել է ծառայակից ընկերների հետ, չնահանջելով։
Արթուր Գևորգյանը հետմահու պարգևատրվել է ՀՀ Նախագահի կողմից «Արիության համար» և ԱՀ Նախագահի կողմից «Մարտական ծառայություն» մեդալներով։
Արթուրի հիշատակին նվիրված հարազատ դպրոցում դասասենյակ է բացվել և բակում ցայտաղբյուր կանգնեցվել ի պատասխան հերոսի սխրանքի։
Փա'ռք քո անմահ հիշատակին...