Այսօր Գևորգ Կիրակոսյանի հիշատակի օրն է
ԱՀ ՆԳՆ ոստիկանության շտաբի պետ փոխգնդապետ Արմեն Մովսիսյանը, ինֆորմացիոն կենտրոնի պետ, գնդապետ Գեղամ Գաբրիելյանը, համակարգի մի խումբ ծառայողներ, Երևանում ԱՀ ոստիկանության ներկայացուցիչ Արթուր Հովհաննիսյանի ուղեկցությամբ` Երևանի «Եռաբլուր» հուշահամալիր-պանթեոնում հարգանքի տուրք են մատուցել Գևորգ Կիրակոսյանի շիրմաքարին, զորակցություն հայտնել Կիրակոսյանների ընտանիքի անդամներին, հարազատներին ու մտերիմներին։
Գևորգ Ռաֆայելի Կիրակոսյան
Ծնվել է 1988թ. մայիսի 11-ին ՌԴ Ալթայի երկրամասի Զարինսկ քաղաքում։
2006-2008 թթ.ծառայել է ԶՈւ շարքերում։
2014 թ.հոկտեմբերի 28-ից ծառայության է անցել ԱՀ ոստիկանության Շահումյանի շրջանային բաժնի պրոֆիլակտիկայի բաժանմունքում, որպես տեղամասային տեսուչ։
Ուներ ոստիկանության կապիտանի կոչում։
Սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված թեժ մարտերին:
Զոհվել է 2020 թվականի հոկտեմբերի 31-ին՝ Ասկերանի վերին ենթաշրջանի Սղնախ գյուղի մատույցներում:
ԱՀ Նախագահի հրամանագրով Գ.Կիրակոսյանը հետմահու պարգևատրվել է «Արիություն» մեդալով:
Հանգչում է Երևանի «Եռաբլուր» պանթեոնում: