Բոլորն էին սիրում Արմենին
Արմեն Բաղդասարյանը ծնվել է 2001թ.-ի նոյեմբերի 17-ին Տավուշի մարզի Վերին Ծաղկավան գյուղում։ Դպրոցում եղել է օրինակելի աշակերտ, սիրում էր երգել, պարել, նվագել։ Սիրում էր հումորներ անել։ Սիրված էր բոլորի կողմից` ուսուցիչների, ընկերների, հարազատների, ծնողների։ 2019թ.-ին ավարտել է դպրոցը։
2019թ.-ի դեկտեմբերի 19-ին զորակոչվել է բանակ` ծառայության անցնելով Ջրականում, որպես վարորդ։ 10 ամիս էր ինչ ծառայության մեջ էր երբ սկսվեց 44-օրյա պատերազմը։ Արմենը զենքը ձեռքին կռվում էր խիզախաբար, առանց վախի, փրկելով վիրավոր ընկերների կյանքը։ պատերազմի օրերին Արմենը եղել է նաև Հադրութում, իսկ հոկտեմբերի 29-ին տեղափոխվել են Մարտունի 2, որտեղ էլ հոկտեմբերի 29-ի լույս 30-ի գիշերը իր ընկերների հետ անմահացել է մեքենայի մեջ ԱԹՍ-ի հարվածից։
Հետմահու պարգևատրվել է ԱՀ «Մարտական ծառայություն» և «Գթության մայր» շքանշաններով։