Հրաչյա Գաբրիելյան

Հրաչյա Գարեգինի Գաբրիելյանը ծնվել է 2002 թվականի ապրիլի 3 ին Երևանում։ Մանկուց շատ ակտիվ էր, չափազանց ընկերասե, բոլորին օգնում էր, ընկերների և հարազատների ուրախությունն էր։

Սովորել է Սարի Թաղի 47 դպրոցում սիրում էր պատմություն, ռազմագիտություն  և ֆիզկուլտուրա առարկաները, 4-րդ դասարանից սկսեց զբաղվել սպորտով` ըմբշամարտով։ Տարիների ընթացքում Հրաչը ունեցավ մարզական մեծ հաջողություններ և մանկապատանեկան սպորտը փոխարինվեց մեծ սպորտով։ Հրաչը դարձավ  «ԴԻՆԱՄՈ» մարզադպրոցի առաջատար, նրա մարզական հաջողությունների մասին կարելի է երկար խոսել, երազում էր Օլիմպիական չեմպիոն դառնալու և Եռագույնը Հանրապետությունից դուրս ծածանելու մասին:

Բացի լավ մարզիկ լինելուց Հրաչը շատ էր սիրում երգել, երգում էր հայրենասիրական երգեր։  Դպրոցն ավարտելուց հետո անվճար հիմունքներով ընդունվել էր Ֆիզիկական կուլտուրայի պետական ինստիտուտ ըմբշամարտի բաժին։ 

Չհասցրեց սովորել, 2020 թվականի հուլիսի 13-ին մեկնեց ծառայության Ջրական։  

Անհամբերությամբ և մեծ ոգևորվածությամբ էր սպասում ծառայությանը, չի խուսափել ոչ մի դժվարությունից,  հայրենասիրական ոգի ուներ։ 

Երբ սկսվեց չարաբաստիկ 44-օրյա պատերազմը, Հրաչն ընդամենը 2ամսվա ծառայող էր, բայց դա չխանգարեց, որ նա քաջաբար մասնակցի պատերազմական գործողությունների ամենաթեժ կետերում։  

Հրաչի վերջին զանգը եղել է հոկտեմբերի 14-ին։