Եթե չգամ, տղայիս իմ անունով կոչեք
Ամանորի գիշերը ծնվել է Արցախում զոհված Արթուր Հովհաննիսյանի որդին: Այս մասին Facebook-ի էջում գրել է Գորիսի փոխքաղաքապետ Իրինա Յոլյանը: Փոխքաղաքապետը տեղեկացրել է, որ Գորիսում այս տարվա առաջին ծնունդը հերոս Արթուր Հովհաննիսյանի որդին է։
Արթուրի մարմինը դեկտեմբերի 30-ին էին հողին հանձնել։ Պատերազմի օրերին Արթուրը կնոջն ասել էր՝ եթե չգա, տղային իր անունով կոչեն։ Իրինա Յոլյանը հայտնել է, որ փոքրիկ Արթուրն այս գիշեր լույս աշխարհ է եկել՝ մայրիկի լարված վիճակից մի փոքր առողջական խնդիրներով. նրան կտեղափոխեն Երևան։