Էրիկ Սարգսյան

Էրիկ Արմենի Սարգսյանը ծնվել է  1998թ մարտի 17-ին Երևանում։ Սովորել է թիվ 109 ռուսական և Գևորգ Չաուշի  անվան  թիվ 188  դպրոցներում, դպրոցն ավարտելուց հետո  ընդունվել է Հայաստանի ազգային պոլիտեխնիկական համալսարան։ Էրիկը շատ էր սիրում ֆուտբոլը։ Նա 10 տարեկանից հաճախում էր Ֆուրման Աբրահամյանի անվան ֆուտբոլի ակումբ։ Նա սիրված էր թե դպրոցում, թե ընկերների  և թե հարազատների շրջապատում։ 

2018 թ. Էրիկը  մեկնել էր  Գերմանիա  ընդմիշտ ապրելու, սակայն 6 ամիս անց վերադարձավ, որ կատարի Հայրենիքի առջև իր պարտքը։ 2019 հուլիսին մեկնեց ծառայության Եղնիկների 3-րդ գումարտակ, 7-րդ վաշտ։ Էրիկը  գոհ էր ծառայությունից և  չէր տրտնջում ոչնչից։  

1 տարի և 2 ամսվա ծառայող էր, երբ սկսվեց պատերազմը։ Էրիկի վերջին  զանգը եղավ սեպտեմբերի 26-ին։  3 օր քաջարի պայքարելով  և խիզախություն ցուցաբերելով (ինչը փաստում են իր իսկ հեռախոսով արված, և արդեն իսկ մեզ հասած տեսանյութերը)՝  նա հերոսաբար ընկավ  սեպտեմբերի 28-ին մի կամավորի օգնելու պահին։ էրիկը Եղնիկների 3-րդ գումարտակի 3 զոհերից մեկն էր։

 Էրիկի մարմինը  գտել է եղբայրը հոկտեմբերի 22-ին։  էրիկ Սարգսյանը հանգչում է Եռաբլուր զինվորական պանթեոնում։

Հերոսը  հետմահու պարգևատրվել է  «Մարտական խաչ» և «Արիության համար» մեդալներով։