Գևորգ Իսունց

Գևորգ Ռաֆիկի Իսունցը ծնվել է 2000թ. դեկտեմբերի 13-ին Սյունիքի մարզի Տեղ գյուղում։ Սովորել է Տեղի թիվ 1 միջնակարգ դպրոցում։ 2019թ. հունվարի 20-ին մեկնել է պարտադիր ժամկետային ծառայության՝ Մատաղիսում: Ծառայության ընթացքում ցուցաբերած արիության համար արժանացել է պատվոգրերի և շքանշանների, որոնք ցավոք այդպես էլ տուն չհասան։ 

Գևորգը ազնիվ էր, ընկերասեր, ժպտերես և միշտ պատրաստակամ օգնելու։ 

Ընկերը՝ Էդգարը, պատմում է. «Գևորգը երբեք չի նահանջել, 15-20 թուրք է սպանել, մի քանիսից էլ Քյարամի վրեժն առել, իսկ վերջում անմահացել իմ ձեռքերում»։

Հոկտեմբերի 13-ի առավոտյան, վերջին անգամ հեռախոսազանգ է ունենում ծնողների և հարազատների հետ և ընդմիշտ կապը կտրվում է։

Տան մինուճարն էր, հույսն ու ապավենն ընտանիքի։

Հերոսացավ 20 տարին չբոլորած, անմահացավ հանուն հայրենիք հոկտեմբերի 14-ին, հանուն մեր ապագայի։