Գիտեինք ինքը բունկերի մեջ ա, այնինչ խաբել էր
Յուրա Աշոտի Գաբրիելյանը ծնվել է 2002թ. փետրվարի 22-ին Արարատի մարզ Գինեվետ գյուղում: Սովորում էր Արտաշատի քոլեջում, որպես զոդող: Բանակ զորակոչվել է 2020թ. ամռանը, ծառայում էր Վարանդայի զորամասում:
Երբ պատերազմը սկսվեց Յուրան ընդամենը 3 ամսվա ծառայող էր, հորեղբոր աղջիկը տեղեկացրեց, որ վերջին անգամ իրենց զինվորը խոսել է հոր հետ՝ ասել, որ ամեն ինչ նորմալ է ու լավ կլինի. «Մենք գիտեինք, որ ինքը բունկերի մեջ ա, այնինչ խաբել է, առաջին օրից ինքը կռվել է մինչև վերջ ու զոհվել բեկորային վնասվածք ստանալով»:
Յուրան շատ նպատակներ ուներ, որոնք, ավաղ, չիրականացան: Շատ էր սիրում զոդողի մասնագիտությունը: Որոշել էր՝ բանակից վերադառնալուց հետո պիտի աշխատեր հենց իր մասնագիտությամբ և տուն գներ. «Ասում էր՝ քուրս տուն պետք ա գնեմ, որ հետո ամուսնանամ, երկու եղբայր՝ մենք մեր առանձին տունը ունենանք: Շատ խելացի էր, աշխատասեր, ինքը աշխատում էր, որտեղ նա կարող էր, ձգտում էր ինքն իրենը ունենար, շատ բարի, հոգատար, սիրված բոլորի կողմից՝ դպրոցում, քոլեջում, գյուղում, նաև բանակում»:
Յուրան զոհվել է հոկտեմբերի 24-ի կեսգիշերին, հուղարկավորվել՝ հայրենի գյուղի գերեզմանատանը: Նյութը՝ armlife.am-ից 17.04.2021
Յուրան զոհվել է հոկտեմբերի 24-ի կեսգիշերին, հուղարկավորվել՝ հայրենի գյուղի գերեզմանատանը: Նյութը՝ armlife.am-ից 17.04.2021