Հերոսապատում

Հիշենք և մեծարենք

Բենիկ Համբարձումյան

Հիշենք և մեծարենք

Հունիսի 20-ին ոստիկանության համակարգի լուսահոգի ծառայող, լեյտենանտ Բենիկ Դավթի Համբարձումյանի ծննդյան օրն էր:

 Բենիկ Համբարձումյանը ծնվել է 1996 թվականի հունիսի 20-ին Ասկերանի շրջանի Քռասնի համայնքում:

 2014-2016 թթ. ծառայել է ԱՀ ՊԲ շարքերում: Ապրիլյան պատերազմի մասնակից էր: 

 2019 թվականին ավարտել է Արցախի պետական համալսարանը՝ տնտեսագետի որակավորմամբ:

 2020 թվականի սեպտեմբերի 10-ից ծառայություն է ընդունվել ԱՀ ոստիկանության տնտեսական և կոռուպցիոն հանցագործությունների դեմ պայքարի վարչության տնտեսական հանցագործությունների դեմ պայքարի բաժնում՝ օպեր լիազորի պաշտոնում:

 Ոստիկանության համահավաք գումարտակի ծառայողների հետ մասնակցել է 2020 թվականի ռազմական գործողություններին:

 Զոհվել է 2020 թվականի հոկտեմբերի 16-ին՝ Հադրութի շրջանի «Թութակ» տեղամասում:

 Հանգչում է Երևանի Եռաբլուր պանթեոնում:

 ԱՀ ՆԳ նախարար Կարեն Սարգսյանի գլխավորությամբ, երեկ՝ հունիսի 20-ին, համակարգի մի խումբ ծառայողներ հարգանքի տուրք են մատուցել ռազմագործողությունների ընթացքում անմահացած Բենիկ Համբարձումյանի շիրիմին:

 

Նյութը՝ police.nk.am-ից
21.06.2021