Հրանտ Միասնիկի Գրիգորյանը ծնվել է 27.06.1989թ-ին Ներքին Բազմաբերդ գյուղում,սովորել և ավարտել է գյուղի միջնակարգ դպրոցը։ Բանակ է զորակոչվել 2007 թվականին՝ ծառայել է Քելբաջարում 2 տարի պահպանելով և պաշտպանելով Քելբաջարի սահմանները։
2011 թ-ից ծառայության է անցել ՀՀ ՊՆ Խաղաղապահ զորքերում։
Պատերազմի առաջին իսկ օրվանից Խաղաղապահ բրիգադի 2-րդ գումարտակի կազմում մասնակցում է արդեն հարազատ դարձած Քելբաջարի պաշտպանությանը։ Հրանտը 4-րդ հրաձգային վաշտի կազմում մասնակցում է Քելբաջարի ամենա թեժ կետում ( Շխթաներ) ընթացող կռիվներին։
Հրանտի ծառայակից ընկերները պատմում են, որ առաջին 5 օրը Քելբաջարում դժոխք էր, բայց էն ինչը կատարվում էր <Շխթաներում> աննկարագրելի էր։
Հրանտի վաշտը կատարում է իր առջև դրված խնդիրը ՝ պահելով ու պաշտպանելով իրեց վստահված մարտական դիրք, վաշտի հերոս տղաների կյանքի գնով։ Հրանտի պոստում անմահանում են ազգին ու հայրենիքին նվիրված շատ տղաներ,որոնցից մեկն էլ Հրանտն է։ Հրանտը զոհվում է արկի պայթյունից, զոհվում է այն դիրքում, որը պահել է զինվոր ժամանակ, զոհվում է այն դիրքում, որտեղ մի քանի տարի առաջ զոհվում է Հրանտի քեռին, Հրանտը զոհվում է քեռու հիշատակին դրված խաչքարի մոտ։
Հրանտի մասին կարելի է անվերջ խոսել ու պատմել, բայց միշտ ժպիտով ու հպարտությամբ։
Հրանտը իր գյուղին, ընտանիքին ու ընկերներին թողեց հպարտանալու լիքը պառճառներ։
Հիշատակդ միշտ վառ Հրանտ ջան
Նյութը՝ «Ճանաչենք Մեր Հերոսներին» ֆեյսբուքյան էջից