«Խոսող լռություն»
Ապրիլի 10-ին Կոմիտասի անվան թանգարան-ինստիտուտում տեղի է ունեցել 44-օրյա պատերազմի հերոս, «Մարտական խաչ» 1-ին աստիճանի շքանշանի ասպետ Տիգրան Շահբարյանի հիշատակին նվիրված «Խոսող լռություն» գրքի շնորհանդեսը։ Գրքի հեղինակը 19-ամյա Տիգրանի մայրն է՝ Արմինե Հարությունյանը։ Հեղինակը պատմում է որդու հետ կապված հիշողությունները, կիսվում խոհերով։ Գրքում զետեղված են նաև Տիգրանի մասին մտերիմների ու ընկերների հուշերը, Տիգրանի դպրոցական տարիների ստեղծագործությունները։
Միջոցառմանը ներկա են եղել զոհված զինծառայողների ընտանիքների անդամներ, հյուրեր։ Երեկոյին մասնակցել է նաև ՀՀ-ում ԱՀ ՄՆ Սերգեյ Ղազարյանը, ով իր խոսքում շնորհակալություն է հայտնել գրքի հեղինակին ու բոլոր նրանց, ում շնորհիվ այն լույս է տեսել։ Մշտական ներկայացուցիչը կարևորել է մեր անմահ հերոսների հիշատակը վառ պահելուն ուղղված այսօրինակ բոլոր նախաձեռնությունները։