Կյանքը զոհել է հանուն ընկերոջն ու հայրենիքի
Խաչատուր Տոնյան Մակիչի, ծնվել է 1994թ. հունվարի 29֊ին, մայրաքաղաք Երևանում։ Սովորել է Գալուստ Գյուլբենկյանի անվան թիվ 190 միջն. դպրոցում, այնուհետև ընդունվել է Բերկուտ թիկնապահական քոլեջ։
Ավարտելով քոլեջը 2012-2014թթ. ծառայության է անցել Արցախում՝ հատուկ հետախուզական գումարտակում, որպես հետախույզ։ Հայրենիքը պաշտպանելու պատրաստակամությամբ 2020թ. սեպտեմբերի 28֊ին կամավորագրվում և մեկնում է առաջնագիծ, կռվում է ամենաթեժ կետերից մեկում, այնուհետև նոյեմբերի 6֊ին տեղափոխվում Շուշի և մասնակցում Շուշիի համար մղվող մարտերին։
Չնահանջելով և չլքելով վիրավոր ընկերոջը՝ պայքարում է մինչև վերջին շունչը։ Կյանքը զոհել է հանուն ընկերոջ և հայրենիքի 2020թ. նոյեմբերի 7֊ին Շուշիում։
2020թ. դեկտեմբերի 24֊ին Արևմտյան Հայաստանի հայերի պաշտպանության ուժերի կողմից՝ հայ֊ադրբեջանական պատերազմի մարտական գործողությունների մասնակցության, Արցախի հանրապետության սահմանների ինքնապաշտպանության և հայրենիքին անձնուրաց նվիրվածությամբ ծառայելու համար պարգևատրվել է Գարեգին Նժդեհ մեդալով հետմահու։