«Մամ ջան ընձի որ քառօրյային բան չեղավ, ընձի էլ բան չի էղնի»
Հարություն Համլետի Կարապետյան ծնվել է 1996 թվականի ապրիլի 6-ին Գյումրիում։ 2016 թվականին ծառայել է Թալիշում, այնտեղ էլ մասնակցել է ապրիլյան քառօրյա պատերազմին։
Զորացրվելուց հետո որպես պայմանագրային զինծառայող իր ծառայությունը շարունակել է Վանաձորի N զորամասում և մասնակցել հուլիս ամսին տեղի ունեցած տավուշյան էսկալացիային։
2020 թվականի սեպտեմբերի 27 ին լսելով պատերազմի մասին լուրը մեկնել է առաջնագիծ։ Մարտի դաշտում իր մարտական ընկերների հետ միասին կասեցրել է թշնամու հարձակողական գործողությունները և մեծաթիվ կորուստներ պատճառել։
Պատերազմի ընթացքում թշնամու դեմ մարտեր է մղել տարբեր ճակատներում, եղել է Մատաղիսում։ Մայրիկի՝ տիկին Նարինեի հետ զրույցի ժամանակ ասել է «Մամ ջան ընձի որ քառօրյային բան չեղավ, ընձի էլ բան չի էղնի»։
Հարություն Կարապետյանը զոհվել է հոկտեմբերի 11-ին թշնամու արձակած արկից Մատաղիսում։