Էդգար Վրեժի Բաղումյանը ծնվել է 2002 թ. մարտի 10-ին Մասիս քաղաքում։ Հաճախել է Մասիսի 2֊րդ հիմնական դպրոցը։ Դպրոցն ավարտելուց հետո ընդունվել է Մասիսի գյուղատնտեսական քոլեջ «Մենեջմենթի» բաժին։
2020 հուլիսի 10-ին զորակոչվել է բանակ և ծառայել Ստեփանակերտի «Հայկազով» զորամասում որպես հաշվարկի վարորդ։
Առաջին օրվանից մասնակցել է 44-օրյա պատերազմին և հմտորեն կատարել իր առջև դրված մարտական խնդիրները: Մասնակցել է Հադրութի, Ֆիզուլիի և Ճարտարի համար մղված մարտական գործողություններին:
Ընդամենը 2 ամսվա ծառայող էր Էդգարը և լինելով վարորդի պաշտոնում՝ մարտական գործողությունների ժամանակ ցուցաբերել է արիություն և խիզախություն, և հակառակորդի հրետանու հուժկու հրետակոծություն տակ՝ ներդաշնակ գործել հրանոթի հաշվարկի հետ:
32 օր տևած մարտական գործողությունների ընթացքում, մինչև իր կյանքի վերջին րոպեները, շարքային Բաղումյանը բարեխղճորեն և բարձր պարտքի զգացումով կատարել է իր հայրենանվեր պարտականությունները, ճիշտ և ժամանակին զինամթերքը հասցրել է կրակային դիրք, ինչն էլ խթան է հանդիսացել հրանոթի հաշվարկի ներդաշնակ և ճշգրիտ կրակի վարման համար:
Էդգար Բաղումյանը զոհվել է հոկտեմբերի 28-ին «Ալաբալի» կոչվող տեղանքում՝ հակառակորդի հրետանու կողմից արձակված արկի պայթյունից: Հետմահու պարգևատրվել է «Արիության» մեդալով: