Ուզում էր բժիշկ դառնալ, կանգնել զինվորի կողքին
Սամվել Սահակի Գասպարյան, ավագ սերժանտ, կամավոր։ Ծնվել է 1994 թ. դեկտեմբերի 13-ին Գեղարքունիքի մարզի Վաղաշեն գյուղում։
Սովորելու ընթացքում մասնակցել է շատ օլիմպիադաների, միջոցառումների և մրցույթների: Դպրոցն ավարտելուց հետո ընդունվել է ՀՊՄՀ-ի Պատմության ֆակուլտետ, տարի ու կես սովորելուց հետո ծառայության է անցել ԼՂՀ-ի Ջաբրայիլի զորամասում:
Բարձր առաջադիմության շնորհիվ տուն է վերադարձել ավագ սերժանտ որակավորմամբ: Ծառայությունից հետո ուսումը շարունակել է Հերացու անվան բժշկական համալսարանի ընդհանուր բժշկության ֆակուլտետում: Սամվելն ուզում էր բժիշկ դառնալ, կանգնել զինվորի կողքին:
44-օրյա պատերազմի առաջին իսկ օրը 3-րդ կուրսի ուսանող Սամվելը կամավոր մեկնում է ռազմաճակատ: Կռվում էր երկու ուղղությամբ և՛ որպես բժիշկ, և՛ որպես զինվոր:
2020 թ. հոկտեմբերի 2-ին ապագա բժիշկը Օմարում զոհվում է ԱԹՍ-ի հարվածից: