Փառք ու խոնարհում մեր գործընկերոջը
Արցախյան պատերազմում հայրենիքի փրկության համար իր կյանքը հերոսաբար և անձնվիրաբար զոհաբերել է նաև ՀՀ դատախազության երկարամյա նախկին աշխատակից, ՀՀ դատախազության կայազորների զինվորական դատախազության նախկին դատախազ, արդարադատության առաջին դասի խորհրդական ՆԻԿՈԼԱՅ ՍԼԱՎԻԿԻ ԳԱԲՐԻԵԼՅԱՆԸ:
ՀՀ գլխավոր դատախազ Արթուր Դավթյանի խորհրդական Գոռ Աբրահամյանը տեղեկացնում է, որ Դավթյանի հրամանով ռազմական գործողություններում ցուցաբերած անձնուրացության և արիության համար նա հետմահու արժանացել է Դատախազության պատվավոր աշխատողի կոչման և պարգևատվել է համապատասխան կրծքանշանով:
«Փառք ու խոնարհում մեր գործընկերոջը, մեր բոլոր նահատակ հերոսներին:
Ոչ ոք չի մոռացվում ու ոչինչ չի մոռացվում»,- գրել է Աբրահամյանը։