Պատերազմից օրեր առաջ իմանում է, որ հայր է դառնալու
Հովհաննես Արմենի Մարկոսյան ծնվել է 1994 Կոտայքի մարզի Հրազդան քաղաքի՝ Վանատուր թաղամասում։ Մասնագիտությամբ ավտոմեխանիկ:
Զինվորական ծառայությունից հետո մեկնել է ՌԴ, բայց կրկին վերադարձել:
2017թ. Հովհաննեսը ամուսնացել է իր ընտրյալի հետ։ Երեք ու կես տարի բալիկ չէին ունենում։ Չարաբաստիկ պատերազմից օրեր առաջ իմանում է, որ հայր է դառնալու, բայց այնուամենայնիվ մեկնում առաջնագիծ:
Պատերազմի լուրն իմանալուն պես կամավորագրվում է և ստիպում, որ իրեն տանեն ռազմաճակատ։
Ծառայակից ընկերները պատմում են, որ Հովհաննեսը թշնամու երեք չաշխատող ПК զենքից, երկու զենք է հավաքել և դրանցով կռվել թշնամու դեմ։
Հոկտեմբերի 15-ին Ջրականի (Ջաբրայիլի) թեժ մարտերի ժամանակ դիպուկահարի հարվածից անմահացավ Հովհաննեսը: