Շահենը զոհվեց թշնամու կրկնակի հարվածից
Շահեն Արսենի Գրիգորյանը ծնվել է 1970թ հունիսի 8-ին, Քաջարանում։ 1992_1994 թվականներին մասնակցել է Կապանի տարածաշրջանի Ծավի, Հանդի, Սրաշեն գյուղերի ինքնապաշտպանական մարտերին, ստացել հրազենային վիրավորում և կոնտուզիա։ Հետագա տարիներին մասնակցել է հայրենիքի բարգավաճման աշխատանքներին, վաստակել շինարար Շահեն պատվավոր անունը։
2016 թ. երբ ակտիվացել է թշնամին ՝ նա կամավորագրվել է Երկրապահ կամավորների միությունում։ Իսկ սեպտեմբերի 27-ին, երբ հարձակվեց թշնամին, Շահենը կորցրեց հանգիստը։ Որքան համառեց՝ նրան չզորակոչեցին առողջության պատճառով, սակայն այդ փաստը նրան հետ չպահեց։ Սեփական նախաձեռնությամբ հոկտեմբերի 15-ին գնաց Արցախ, Ճարտարում կամավորագրվեց և Մարտունի 2-ում կանգնեց ժամկետային զինվոր որդու կողքին։
Հոկտեմբերյան 12 ծանր օրերին մասնակցեց ծանր մարտերի։ Հոկտեմբերի 25-ին, դավադիր թշնամու հերթական հարձակման ժամանակ, վիրավորվեցին ինքն էլ, որդին էլ։ Վիրավոր վիճակում նա օգնեց երիտասարդ զինվորներին՝ տեղափոխելով անվտանգ տարածք։ Նա զոհվեց թշնամու կրկնակի հարվածից։ Իմացյալ էր Շահենի մահը։
Հավերժ Փառք քեզ Հերոս