Սիրում էր սպորտն ու ծրագրավորումը
Սամվել Տիգրանի Թորոսյան ծնվել է 2003 թ. դեկտեմբերի 8-ին Ստեփանակերտ քաղաքում։ 2009 թ. ընդունվել և 2018 թ. ավարտել է Ստեփանակերտի Ե. Չարենցի անվան թիվ 7 հիմնական դպրոցը։
2018 թ. ընդունվել է Շուշիի տեխնոլոգիական քոլեջի ճարտարագիտության ֆակուլտետը։ 2021թ. ընդունվել էր Մեսրոպ Մաշտոց համալսարանի «Տեղեկատվական համակարգեր» բաժինը։
Զբաղվում էր տարբեր մարզաձևերով և ուսումնասիրում էր համակարգչային ծրագրավորման լեզուներ։
2022 թ. հունվարի 24֊ին համալրել է պաշտպանության բանակի շարքերը։
Ծառայում էր ԱՀ Մարտակերտի շրջանի Սրխավենդի ՊԲ 38043 մշտական վայրում։
Զոհվել է 2023 թվականի հունիսի 28-ի լույս գիշերը՝ թշնամու նախահարձակ ռազմական գործողությունների ժամանակ ականանետի կրակոցից՝ Սրխավենդի մարտական դիրքերում։