Գևորգ Կիրակոսյան

Կյանքն է պատասխանը: Ահա արդեն 42 օր շարունակ այս կարգախոսով են նորածիններին դիմավորում «Շենգավիթ» ԲԿ-ում:

Այդ մասն հայտում են «Շենգավիթ» ԲԿ-ից:

«Օրեր առաջ հայրենիքին իր պարտքը կատարելիս զոհվեց ԱՀ ոստիկանության ծառայող Գևորգ Կիրակոսյանը այդպես էլ չհասցնելով տեսնել որդուն, ով լույս աշխարհ եկավ հոր մահից մի քանի օր անց: Գևորգի կինը` Լիլիթը, որդուն անվանակոչել է Լևոն, որովհետև ամուսինն այդպես էր ցանկացել: Տանը Լևոնին սպասում են եղբայրն ու քույրը: Անհնար է առանց արցունքների լսել հերոս հոր պատմությունն ու կիսատ թողած երազանքը: ԱՀ նախագահ Արայիկ Հարությունյանի հրամանագրով ԱՀ ոստիկանության ծառայող Գևորգ Ռաֆայելի Կիրակոսյանը հետմահու պարգևատրվեց «Արիության» մեդալով: Մեդալը ժառանգություն է նորածին որդուն, ով չհասցրեց վայելել հերոս հոր ներկայությունը»:

 

Նյութը՝ bujinfo.am-ից
10.11.2020