Հերոսապատում

Վիրավորվել էր, սակայն շարունակել պայքարը

Սեյրան Ավետյան

Վիրավորվել էր, սակայն շարունակել պայքարը

Սեյրան Կարենի Ավետյանը ծնվել է 1998 թվականի  մարտի 29-ին:  Սովորել է Վանաձորի համար 17 դպրոցում։ Զբաղվել է սպորտով` կարատեյով, և տարիների ընթացքում ձեռք է բերել շատ պատվոգրեր ու մեդալներ։ 

Սեյրանն իր տեսակով եղել է կատարյալ, շատ բարի ու հոգատար անձնավորություն։ Շատ է սիրել ֆուտբոլը։

Տասներկու տարեկանից ապրում էր Ռուսաստանում։ Հայաստան եկավ ծառայելու նպատակով, հայրենիքին պարտքը տալու համար։ Որոշել էր հետ գալ, ու հիմնական ապրել Հայաստանում։ Սակայն, չարաբաստիկ պատերազմը նրան չթողեց ետդարձի ճամփան բռնել։

Հրամանատարներին ենթարկվելու, և նրանց հրամանները անթերի կատարելու համար ստացել էր շնորհակալագիր։ Պատերազմի ընթացքում կատարել էր բազմաթիվ հերոսություններ։ Ոչնչացրել էր  30-ից ավելի թուրք ու ազերի, վիրավոր ընկերներին դուրս  հանել կռվի դաշտից։ 

Հոկտեմբերի 5-ին վիրավորվել էր կրծքից և ուսից, սակայն, շարունակել էր պայքարը կռվի դաշտում։ Ամեն ինչ թաքցնում էր ընտանիքից, ասելով, որ ամեն բան նորմալ է։

Սեյրանի վերջին հեռախոսազանգը եղել է հոկտեմբերի 15-ին։ 

Դեպքը տեղի է ունեցել հոկտեմբերի 16-ի առավոտյան ժամը 5-ին, երբ ընկերների հետ քնած է եղել խրամատում։ Վերջին անգամ ասել է՝  ամեն ինչ լավ է և  անմահացել։